Balada Bang Jali

"Bang!! gawat bang! gawat!!" teriakan itu cukup untuk membuat kopi item panas yang sudah di hirup bang Jali berlarian membasahi kumis baplangnya. Oh iya, sekedar gambaran, kumis bang Jali ini sangat rimbun dan lebat, persis seperti pohon rambutan rapi'ah di musim buah. Tapi bang Jali sayang sama kumisnya. Saking sayangnya, hampir setiap minggu di hari kamis kumis lebatnya di keramasi dengan shampoo. Sebagai jawara kampung, bang Jali pantang memotong kumisnya. Kumis is my life, gitu mottonya. Makanya, kumisnya panjang lebat melintang. Baplang dan hitam, sehat terawat. Saking panjangnya, kalo lagi makan atau minum, pasti dia mengibaskan kumisnya barang sebentar, agar supaya apa yang dia makan ato minum bisa dengan sukses masuk ke mulutnya.

Tapi sayangnya hari ini ia lupa menyisihkan kumisnya ketika menyeruput kopi tadi. Walhasil, ketika Somad, anak buahnya mengagetkannya, dengan sukses kopi item yang panas itu sukses membasahi sang kumis. Bang Jali tetep tenang, dia ga pernah gegabah. Preman senior macem bang Jali ga pernah blingsatan, semua dihadapi dengan tenang, walaupun kepala panas. Diusap kumis basahnya yang menjuntai, sembari mengambil sapu tangan dikantongnya. Di lap biar kering.

Somad, lelaki kurus, kering, hitam dan dekil sudah deg-degan. Kalo boleh diistilahkan, saat ini, jantungnya sudah hampir mencolot keluar, saking takutnya. Tapi tetep, sebagai anak buah seorang preman senior macam bang Jali, dia berusaha tenang, meskipun bahaya mengancam dari sang tuan. "Maap bang, aye kaga tau.."

Bang Jali masih kalem. Sebagai preman senior yang sudah lama menjabat preman se Batavia, dia kalem. Adem ayem. Di keluarkannya gumpalan koran keluaran Belanda dari sisipan celananya. dengan satu gerak jari, dia memanggil Somad. Pake isyarat. "Sinih kepale lu!" Itu kalimat pertama yang keluar dari mulutnya. Somad ga ada pilihan. Mau ga mau, dia harus mau menerima ini. "I..i.iya bang.." Somad pasrah. Bang Jali gerah. Somad mendesah. Bang Jali marah.

"Plaakkk!!" Dengan mantap koran itu mendarat di kepala Somad. Sakit? ga. Perih? iya. Somad ga marah. Somad tau, inilah resiko menjadi anak buah seorang preman senior ternama macem bang Jali.

"Ade apaan lu?" Tanya bang Jali sambil kembali duduk. Kali ini dia menyalakan rokok cap Bibir Ndower, asli buatan Indonesia.

"Gini bang, ntuh si Midun, mandor tanah nyang disono mulai betingkeh" Balas Somad sambil mengusap kepalanya.

"Ngapa lagi tu anak? udeh bosen makan nasi putih ye?" Bang Jali memuntir-muntir kumisnya.

"Emang ade nasi warne laen bang?"

"Ah bego lu! ntu istilah. Peribahasa! artinye, tu anak udeh kaga mandang gue lagi? udeh kaga mao idup die?" Bang Jali emosi. Tapi ditahan. Kumisnya terlihat bergoyang terkena angin.

"Iye bang. Die kata tanah nyang die jagain mo di jual aje sama Belande. Die udeh kaga mao lagi ngurusin ntu tanah. Mendingan dijual aje katenye, Belanda nawar gede soalnye."

"Madekipe nangka lande muke gile!! Kena ajaran ape tu anak? Ntu kan tanah warisan ncing Sarpe'i. Tanah warisan babehnye, die mao jual juga? Mane tu anak, mane tu anak?" Bang Jali mulai gahar. Goloknya mulai dielus-elus, tanda emosinya mulai keluar.

"Sabar bang..sabar!"

"Kaga bise sabar gue kalo udeh soal Belande! aje gile! dikata nih tanah Betawi punye emaknye kali, maen enak aje beli sono beli sini. Si Midun lagi goblok, mao-maoan aje tanahnye di beli tu kumpeni. Harge dirinye kemane?" Bang Jali makin emosi. Hatinya mangkel bukan kepalang.
"Bang sabar bang..sabar"

"Elu lagi, nyuruin gue sabar, anak kencur aje sok ngasih tau lu!. Kalo ntu tanah dijual ame sesama pribumi, gue ga reken masalah dah!. Lah ini, die jual ke bule kumpeni ntu, pegel gue Mad, pegel!! Udeh, sekarang gue ga mao tau, kite samperin si Midun. Gue mao bagel tu anak, gue mao kasih tau, biar nyaho die!!" Bang Jali bergegas bangun dari duduknya sampai akhirnya..

"Bang, mao kemane?" Terdengar suara halus lembut keibuan.

Somad dan Bang Jali terdiam.

"Bang, awas aje kalo abang ngapa-ngapain si Midun. Biar begitu pan die ponakan kite juge, masih keluarge bang!. Aye kaga redho kalo ama keluarga sendiri abang emosian begitu." Ternyata itu suara mpok Romlah, istri Bang Jali.

"Eh iye neng, kaga kok, abang kaga kesono. Ini nih gare-gare si Somad abang jadi emosi. Kage neng, masa iye abang tega begituin si Midun? Die pan keluarge kite. Iye kan yak?" Bang Jali mengendur. tepatnya ngebaik-baikin.

"Nah gitu dong. Ga bae bang emosi ame keluarge sendiri. Si Midun biar begitu pan pernah nulungin abang pas abang ditembak kumpeni. Inget kan bang?" Tutur mpok Romlah.

"Eh, iye neng..Abang inget kok. Deuh bae banget dah tuh si Midun mah. Kage ade jeleknye!"
"Ya udeh, jangan abang apa-apain ye tu anak. Deh di rumeh aje, ni aye masak sayur asem lalap pete, lauknya ikan gabus sambel terasi, kedoyanan abang"

"Iye dah, abang kaga kemane-mane. Abang di rumeh aje.." Balas Bang Jali sembari memasuki rumah.

"Bang, jadi kaga nih? katenye udeh gahar!!" Timpal Somad, teriak.

"Hush!, sonoh..sonoh" Balas Bang Jali sambil menaruh telunjuk di bibir.

"Jah, preman takut bini dasar!!" Gerutu Somad.

"Plaaakk!!" Sebuah keplakan dengan dahsyat kembali nongkrong dikepala Somad, persis sebelom Somad menyadari apa yang terjadi. Kalo ini dobel.

SELESAI