"Bang cerita bang!" Pinta Somad
"Cerita apaan?"
"Apaan gitu bang. Bosen amat rasanye kalo diem-dieman begini, cuman ngopi doang ama ngerokok. Cerita ape gitu bang. Ayo bang!!"
"Ape ye?" Jali menerawang, mencari kisah untuk di ceritakan. "Oh iye, gue punya cerita nih!!" Setengah berteriak Jali berkata. Cukup untuk membuat kumisnya yang lebat bergoyang diterpa angin.
"Asik!!Ayo bang!!"
"Gini, jaman dulu, jamannya leluhur kite orang nih, ade tuh yang namanye jawara kampung. Orang-orang pada manggil die Bang Husni. Ni jawara emang hebat banget dah!Tapi die punya atu kekurangan, gengsian. Kaga boleh dah tu ada orang yang nantangin die ato ngebanding-bandingin, pasti die jabanin." Kata Jali sembari menyomot tape uli.
"Lah terus bang?" Somad tak sabar. Di betulkan posisi duduknya. Nampaknya ini akan menjadi cerita seru. Begitu pikir Somad.
"Singkat cerite, ni si Husni baru pulang dari Rawa Bebek abis nenamu ke sesama jawara. Nah, pas di jalan ada ibu-ibu bunting yang minta tolong ame die buat ngambilin mangge mude di pohon."
"Lah emang ngapa tu orang kaga ngambil sendiri bang?" Potong Somad
"Ni orang takut tinggi ceritanye, lagian kan die bunting. Bloon lu ah." Jali menyeruput kopinya.
"Udeh deh tuh, akhirnye si Jali manjat ke pohon mangga pake tangga. Tunggu punya tunggu, udeh dapet deh tu mangga mude yang di maoin ama tu orang. Nah, pas mao turun, tau-tau tu tangga diambil anaknye si ibu buat nggaet layangan."
"Terus bang?"
"Nah, bingung dong si Husni? Akhirnye die tereak sama tu ibu, die bilang "Buuu, tanggenye mane?Aye mo turun ini!!", gitu."
"Trus bang?" Somad mencomot pisang goreng.
"Tu ibu terus ngomong, "Ah,masa kudu make tangga sih bang? Katanye ente jawara!! Bisa kali turun kalo cuman segitu doang mah!!". Nah, ngerasa gengsi si Husni ni langsung lompat dah tuh daripade di ketawain gare-gare ga bisa turun."
"Wes, hebat!! Kaga ape-ape kan die bang? Pasti punya elmu ni orang!!" SOmad mencaplok pisang goreng ketiga.
"Ya keseleo nyong kakinye. Tapi ga ape-ape, die malah girang. Yang penting kaga di ketawain ama orang sekampung. Nah, sambil pincang die pulang deh tu." Jali menyumut rokoknya.
"Udeh bang?Yah elah.."
"Belon. Masih ada lagi! Kalem dong ah.." Ujar Jali sambil memelintir kumisnya. "Nah terus pas di tengah jalan, die kaga bisa lewat. perkaranye ntu pas di tengah-tengah jalan ada tai kebo banyak banget. Mao milih jalan muter ya males banget, kejauhan. Tapi kalo nyoba ngelewatin ni jalan, otomatis bakalan kotor ama bau dah tuh kakinye Husni, mane die baru beli sendal baru di Pasar Baru lagi. Akhirnya mao kaga mao die milih muter aje. Nyari aman." Jali diam, menunggu komentar Somad yang biasanya mensela ceritanya. Tapi dilihatnya Somad tengah asik mendengarkan cerita, akhirnya dia melanjutkan.
"Eh, pas die mao muter, ada kumpulan anak kecil yang dari tadi merhatiin. Sejurus Husni mao jalan muter, tu anak-anak pada besorak, "Masa jawara kalah ama tai keboooo??Cemen ah!!". Ngedenger ini, Husni panas. Gengsi dong! Apalagi nyang ngatain anak-anak kecil. Yaudeh, akhirnye die lewatin dah tu tumpukan tai kebo yang bejibun nyang wanginye aduhai. Mana masih anget lagi. "Nyess" Gitu bunyinye waktu si Husni injek."
"Dih, jorok dih abang!!"
"Gue meragain bego!!!"
"Haha, iye bang, becanda! Terus bang?"
"Udeh tu, akhirnye dengan kaki penuh tai kebo trus bau nyang gimana gitu, Husni ngelanjutin jalan pulang. Atinya udeh dongkol, tapi di laen sisi die bangga. Paling kaga, die kaga di kata-katain orang. Gelar die sebagai jawara aman dah." Jali berniat mencomot pisang goreng saat menyadari bahwa pisang gorengnya habis. Di longoknya piring berisi tape uli, juga habis. "Made kipe lu Mad, masa makanannye lu abisin semue?"
"Enak bang!" Jawab Somad. Tanpa dosa. "Terus gimana bang ceritanye?"
"Bodo ah." Jali ngambek.
"Deuh abang, gitu aje ngambek. Cerita ye bang, nta aye gantiin dah pisang ama tape ulinye."
"Janji?" Jali memasang wajah imut. Terlihat sangat konyol dibalik perawakannya yang besar dan kumis yang baplang. Tapi itulah Jali.
"Iye,janji!!"
"Yes!!" Jali mengepalkan kedua tangannya. Kemudian melanjutkan ceritanya. "Nah, pas mo deket lagi nyampe rumah, ada orang-orang pada sibuk ngumpul di deket sumur. Husni penasaran. Die ngedeket dah tuh. "Ada apaan?" Tanyanya. "Ini bang Husni, ember buat nimba kecemplung, talinye putus. Kite lagi bingung nih pegimane ngambilnye." Kate bapak-bapak disono. Ngedenger masalahnye ga terlalu penting, si Husni nyingkir dah tuh. Nyang begini mah kaga butuh bantuan gue, gitu dia pikir. Eh blom jauh die jalan, si Husni di panggil. Di mintain bantuan buat ngambil tu ember."
"Setdah!! Terus bang?" Kali ini Somad menyeruput teh anget.
"Terus si Husni bilang, "Gue kaga ngarti yang beginian. Lagian gue kudu turun pake apaan kalo mo nolongin? Kaga ada karet ape tali gitu". Nah, ada yang nyautin "Ah, kan abang jawara, masa iye kaga bisa tibang ngambil gitu doang? Cemen ah, masa jawara make tali?". Nah, si Husni panas dong!! Akhirnye ga pake tedeng aling-aling die taroh tasnye, di buka sendalnye, die lompat dah ke dalem sumur di iringin tepokan tangan orang-orang nyang ada disitu."
"Keren!! Terus pegimane bang kelanjutannye? Aye mah udah yakin dah, ni si Husni punye elmu tenaga dalem, buktinya die pede banget terjun ke dalem sumur. Gimane akhirnye bang?"
"Mati."
"Maksud lu bang?" Somad kaget termangap-mangap.
"Ya mati lah. Mane ade orang lompat dari sumur nyang tinggi selamet? Bego lu!!" Jawab Jali sembari terbahak.
"Kok ketawa bang?"
"Ketauan kan, orang kalo gengsian tuh kaga enak idupnye. mangkanye, elu jangan ampe begitu dah ya!! Gue pesen nih." Ucap Jali sambil memilin kumis lebatnya.
"Iye bang." Somad merunduk. berpikir. "Bang, ngomong-ngomong, kok cerita kite kaga lucu ye bang? Kaga kayak cerite nyang kemaren-kemaren."
'Ah, paling nyang bikin cerita lagi kaga ada ide. Garing gitu. Udeh nikmatin aje." Jawab Jali. Kalem. "Eiye, katenye lu pengen gantiin makanan gue yang tadi??"
Somad nyengir. "Hehehe... aye lupa bawa duit bang!"
Jali hanya mendesah. Cemberut dan berkata "Tai luh!!"
SELESAI
Hmmmmm.....
hoomm... :P